درت اللاطة غير بالسردين وجات وااااعرة
اما الى دّارت بالسمك الابيض غدي تجي أروع
طريقتي بالتفصيل وذلك لغياب عرض الصور :
خطوة خطوة
سلقي اول حاجة خيزو مقطع طولا وسدي عيه فالكوكوت
مع ماء وقطعة من البصل
تمُر 10 دقائق أظيفي البطاطا مقطعة دوائر تسلق تقريبا
7 الى 10 دقائق
في لاطة مزيتة ديري خيزو المسلوق والبطاطا اما البصل
فاتركيها لان اخذنا منها فقط البنة
ضعي الحوت اللي اختاريتيه فوق الخضر وفوقه ماطيشا مقطعة دوائر
سر عجيب يظيف البنة :
خذي 2 فلفلات او ثلاثة حسب الكمية وقطعيها على جوج
وحيدي منها الزريعة وقطعيها مكعبات كبيرة
خذي هديك المكعبات الكبيرة وهرمشيها في الخلاط
وفرقيها على الوصفة كلها
خذي ماء الخضر الساخن في اناء عميق وخلطي فيه ما يلي
ماء الخضر الساخن يضاف اليه :
الربيع مكرد رقيق
6 فصوص ثوم محكوكة فالحكاكة رقيقة
كمون
ابزار
ملح
تحميرا
زيت
مركز طماطم على الاقل 2 ملاعق كبيرة عامرة
خلطي كلشي مزيااااااااان حتى تمتزج العناصر ثم صبيها
فوق الحوت اللي درتيه فاللاطة مع تفريق الخليط بشكل كامل
سواء فوق الخضر او الحوت وزوقي بالزيتون
والحامض مصيّر مقطع بالطول
دخلي اللاطة للفران مبرمج على حرارة
عالية ولو يكون باقي بارد
واعلمي انها دغيا كتطيب
ودغيا تتشربها الخضر والحوت
لان الخضرة اللي كتشد الطياب راها طايبة نصف طيبة
الوصفة كتجي باذن الله لذيذة ومع كل حوت ديال الطاجين
بحال القُرب او السمطة او الطون وحتى السردين منزوع
الشوك ومفروش
***************
قال الله تعالى :
وهو الذي سخر البحر لتاكلوا منه لحما طريا
الخميس الرابع والعشرون من شهر رمضان الابرك 1429
"لاطـــــــــــــــــــــــــة"
- لاطـــــــــــــــــــــــــة ديــــــــــــــــال الحـــــــــــوت - منتديات الجمال المغربي (afficher sur Google Sidewiki)
ليست هناك تعليقات:
إرسال تعليق