شباكيتي هشيشة وكاتشرب لعسل والسر فطريقة العجين

السلام عليكم ورحمة الله وبركاته
عواشر مبروكة ورمضان كريم عليكن جميعا
الان غادي نزل الصور لاني عاد ساليت من دبا شويا وغدا انشاء الله الى عجباتكم نزل المقادير ونقولكم السر لي يخلي الشباكية كاتجي هشيشة وشاربا لعسل ومحافظة على النكهات لي فيها وتبقا لكم رمضان كامل كانها عاد جديدة
وسمحولي ماصورتش جميع المراحل لان ماعنديش الكام ولكن انا معاكم غادي نعطيكم تفاصيل دقيقة تخرج الشباكية غزالة وخا تكوني عاد اول مرة كاتجربيها
هادي ملي وجدها كانستفها فطاوة مي نكمل كانغطيها








وهكدا كاتجي كانتمنى تكون واضحة

وهاد الحبة لي دخلات الاولى تحلي بها




شفتو لانكم غاليين كانصور احدا البيسي كولشي ولى معسل حتى لكرون كلا حقو

الله يبارك فيك اختي لبنى طلبك على عيني وعلى راسي غدا ونزل لك المقادير وبالتفصيل الممل باش نركز معاك اما دبا اراني مبلوكيا عنجد

1كلغ ديال الفورص
رابعة ديال طحين قمح
رابعة ديال زنجلان محمص مطحون نص نص
معلقة كبيرة قرفة معلقة كبيرة نافع معلقة صغيرة حبة حلاوة
ملح +المسكة الحرة غير شوية
2اصفر البيض
كاس ماء زهر نصف كاس زبدة دايبة
كاس زيت انا كانخلط البلدية والومية
زعغران الحر
نصف كاس خل
دبا غادي ندوزو للطريقة
نبدا من التحمار ديال زنجلان
مليتكونو كاتحمروه حاولو ماتحمروهش بزاف الى طحنتيه واعطاك لون غامق غير مادريهش كاتجي الشباكية قاصحة ومكاكونش المداق ديالو باين بالنسبة للنافع وحبة حلاوة ماطحنيهمش حتى لاخر لحظة عاد طحنيهم وديريهم
دبا غادي ندوزو للسر لي كايخلي الشباكية هشيشة وتشرب لعسل
هادي الطريقة ديال الوالدة الله يدكرها بخير
كانخلطو جميع المواد الجافة مزيااااااااان
ومن بعد كانبداو نظيفو الخليط ديال الزيت والزبدة واحنا كانفركو الطحين بين يدينا حتى ملي كانجمعوه فيدينا ونبركو عليه كايتجمع تما صافي كانحبسو لان على حسب نوعية الطحين كاين لي كايشرب كاين لي لا
ومن بعد كانضيفو العناصر الاخرين والى ماتجمعاتش لعجينة نعاود نزيدو شوية دما زهر ولكن لعجينة خاصها تبقا قاصحة اوا ديك الساعة اراك للدليك حتى تولي مرخوفة مزياان ديروها فميكة وخليوها ترتاح من بعد شكلو كويرات طلقوهم بالدلاك وحاولو ترققوها مزيان انا راه بانت فالكام اكبر من الحجم ديالها اما هي راني درتها صغيرة ورقيقة صراحة على الطبيعة احلى تم قطعوها على شكل مربعات صغيرة وديرو 5 ديال الاشرطة يعني ربعة لخطوط كايعطيوك خمسة تقسيمات من بعد كاتاخدي وحدة باش تشبكيها كاتهزي وحدة وطلقي وحدة تم تحاولي تقلبي الروس للداخل وكاتحصلي على التشباك لي فالصور
كانستفو فالطاوات وكانغطيوها بشي منديل رقيق ملي كانساليو كانديرو زيت يسخن ملي يسخن نديروه على نار معتدلة باش م

en référence à : http://www.beautymaroc.com/vb/showthread.php?t=125756 (afficher sur Google Sidewiki)

أسهل طريقة لتحضير العسل نصف ساعة فقط

خدي 2 كيلو سنيدة في كوكوت ثم أضيفي كأس كبير ماء و نصف حامضة و نصف برتقالة
سدي الكوكوت و ضعي الصفارة . غير تبدأ التصفار احسبي 20 دقيقة ثم اطفي عليها حيدي
الصفارة و افتحي ثم أضيفي كاس كبير ماء و كأس كبير كذلك ماء زهر . لا تخافي إذا احدثت
فقاقيع . شعلي على العسل مرة أخرى ملي تغلي و دير الكشكوشة صافي اطفي عليها.
اللون الكاراميل ديال الحامض و البرتقال هو الدليل على أن العسل طايب مزيان.اما رائحة و مذاق
ماء الزهر خلاص الروعة.ونزيدك داما وجدي العسل قبل بيومين أو أكثر باش كلما بقات العسل
ترتاح و تبرد كيبان ليك الجودة والسمك ديالو.

en référence à :

"لتحضير"
- أسهل طريقة لتحضير العسل نصف ساعة فقط - منتديات الجمال المغربي (afficher sur Google Sidewiki)

الزين الواظح تقدم لكم شباكية معمرة باللوز**رمضان مبارك**

باسم الله الرحمان الرحيم
السلام عليكم ورحمة الله و بركاته

كل عام وانتم بكل خير
اعاد الله علينا و عليكم شهر الرحمة باليمن و البركات
و تقبل منا و منكم صالح الأعمال

أخواتي هاد المرة جيبتلكم أحلى شباكية معمرة باللوز كنتمنى تعجبكم و تجربوها

مقادير العجينة:



500 غرام الدقيق
1 بيضة
ربع كاس عنبة عصير الحامض
نصف كاس عنبة زبدة بلدية مدوبة
نصف كاس عنبة زيت رومية
نصف كاس عنبة ماء الزهر
نصف ملعقة حبة الحلاوة
نصف ملعقة النافع
نصف باكية الخميرة ديال الحلوة
نصف طاسة الجنجلان مطحون
نصف طاسة اللوز مطحون بالقشور

العسل و الجنجلان الكافي للتفنيد

مقادير الحشوة

250 غرام اللوز مسلوق و مقشر و مطحون
125 غرام سكر كلاصي
1 ملعقة العسل
1 ملعقة القرفة
بعض قطرات من ماء الزهر

إليكم الطريقة المصورة



كنخلطو كلشي و كنشوفو إلى حناجنا الماء كنزيدو غير شوية باش نجمعو العجين فقط خاص مايكونش خفيف كنعجنو مززيان ثم كنخليوها ترتاح و في هاد الأثناء كنوجدو الحشوة ديال اللوز


كنقطعوها مربع انا هنا عملت 8 سنتم في 8 سنتم وكنلويوها مزيان و نتكيو بيدينا باش ماتتحلش في القلي

en référence à :

"الزين الواظح تقدم لكم شباكية معمرة باللوز**رمضان مبارك**"
- الزين الواظح تقدم لكم شباكية معمرة باللوز**رمضان مبارك** - منتديات الجمال المغربي (afficher sur Google Sidewiki)

حلوة الهرنيس تبقو ترحومني عليها

تم التثبيث و الدمج07-02-2009 --oum khalil et adam


السلام عليكم ورحمة الله وبركاته
حبيت نفيدكم احبابت قلبي بحلوة الهرنيس ساهلة ماهلة اوي على بركة الله نخليكم مع المقدير وطريقة
نصف كليو شكلاط اسود
5بيكيات سابلي او هرنيس
كاس ديال العنبة من الكوك
2معالق من العسل
2 بيضات

اول شئ نقطعو سابلي قطع صغيرة على هد شكل



في شي حاجة واسعة ندوبو بطريقة حمام مريم 36 مربع ديال شكلاط


منين يدوب لينا شكلاط مزيان وهو مزال فوق البوطة نزيدو العسل والكوك ونحركو مزياااااااااااان ونعودو نزيدو البيض ويدينا مع تحراك حتي تمجز كل العناصر


ونضيفو سابلي

ونخلطوه مززززززززيان


نخدو ميكة بيضاء مقسومة على2 في الوسط ديالها نوضعو شوية من الخليط


ونحربلو على شكل فقاص



كيخرج ليك بين 6 حتي 9 ديال القطبان


دخلي القطبان الفريكو ومنين يشدو راسهم مزيان تعودي تخرجيهم ودوبي هديك24 مربعة ديال شكلاط ودهنيهوم من على برا




شكرا ام خليل وادام على ثتبيت
اما طريقة تقديم نهاية هاهي يا غاليات اسفة ظننت اني نزلتها
كاظافة ممكن تقطعي القطيب على شكل دائري او منحرف وتقطعي القياس لي بغتي يعني ممكن انك تقطعي 2 قطبان او 3 والباقي خليه حتي الوقت لي غدي تحتاجيه ثاني انا كندير هد الحلوة ونساها في الفركو وفوق ما يجي شي ظيف نجبد قطيب بقطيب

en référence à :

"حلوة الهرنيس تبقو ترحومني عليها"
- حلوة الهرنيس تبقو ترحومني عليها - منتديات الجمال المغربي (afficher sur Google Sidewiki)

مايونيز بدون بيض ..

هذه الاميونيز بدون بيض و كتجي غزالة و خاترة مزيات بحال الفرماج.

كأس ديال الحليب عادي

ساشي صغير ديال نيدو ديال جوج دراهم.

جوج كيسان ديال الزيت

جوج معالق صغار ديال موطارد

ملح ابزار عصير نصف حامضة و القليل جدا من الثوم للتنسيم.


وضعي كاس ديال الحليب هو الاول في الخلاط الكهربائي و خدميه زيدي عليه نيدو باش يدوب

ثم زيدي الموطارد و الملح و الابزار و الثوم و الزيت و دائما الخلاط خدام.

وها هو الخليط عقد و كتعرفيه غير من الصوت ديال مولينيكس.

في الاخير نسمي بعصير الحامض و هاهي المايونيز واجدة و غزالة و بلا بيض.

en référence à :

"مايونيز بدون بيض .."
- مايونيز بدون بيض .. - منتديات الجمال المغربي (afficher sur Google Sidewiki)