اللبن المرافق للكسكس مزين

ذواقات المنتدى نتمنى تكونو كاملين بالف خير

اليوم غيرت شوية فطريقة تقديم اللبن
اللي اغلبيتنا كيقدموه مع سكسو و
بغيت نشاركها معاكم قبلو عليا

نخليكم مع الصور


غادي نحتاجو


لبن / سيرو بالنعناع / ابرة








نحايدو لللابرة الراس الرقيق و نعمروها بالسيرو
و نكبوه فالقاع ديال الكاس انا استعملت الابرة
باش ما نوسخش الجوانب ديال الكاس الدخلانيين









من بعد نكبو عليه اللبن كايجي المنضر رائع
حيت ما كيتخلطش السيرو مع اللبن كاملو









من بعد نركبو الراس الرقيق و نزوقو
الوجه الفوقاني بالاشكال لي حبينا







و حتى المذاق كيجي غزال غير ما نكتروش السيرو بزاف
نتمنى تعجبكم الفكرة
بالصحة و الراحة

en référence à : http://www.beautymaroc.com/vb/showthread.php?p=5552484 (afficher sur Google Sidewiki)

مخ بطريقتي ماتشبعيش منو ..جربيه وردي علي لخبار

اولا كانقلي اللحم فمقلا مع شوية دالزيت والملح وخاص العافية تكون مجهدة باش اللحم مايطلقش الما ويجي رطب اما إلى طلق الما كايجي عاصي ..
وسلقت المخ فالماء والملح





من بعد ضفت علا اللحم البورو مقطع وراس ديال التوم مقطع رقيق



والبزار وشوية دزعفران الملون وسكينجبير والخرقوم والقليل من الكمون وضفت مطيشة والربيع فاش تقلاو مزيان قلبتهم فالطاجين وقطعت المخ قطع صغيرة وستفتو فوق الصلصة



ودرتو فالفرن(بحكم ان هنا فالغربة مانقدروش نديرو الفاخر انا كاندير طويجناتي فالفرن ونغطيها بصينية ديال الفرن وكايجي نفس البنة تقريبا اما علا البوطة مافيه مايتكال)جربو الطاجين فالفرن علا ضمانتي






تيقو بيا هاد الطويجين بنيييييين ومايشبعش هههه

en référence à :

"مخ بطريقتي ماتشبعيش منو ..جربيه وردي علي لخبار"
- مخ بطريقتي ماتشبعيش منو ..جربيه وردي علي لخبار - منتديات الجمال المغربي (afficher sur Google Sidewiki)

الكريب لي درت في الكوتي يا سلام

مساء الخير ..
المقادير
3بيضات
رابعة طحين
رابعة ماء
نصف ليتر حليب
3 معالق كبار سنيدة
3معالق كبار زيت
يخلط الكل في مولينكس ونطيبوه مباشرة
درت 10 ديال المربعات ديال الشكلاط ودوبتهم في حمام مرية مع دانون مسوس ومعلقة كبيرة ديال كاوبيل وراس الموس ديال الزبدة ودهنت بيه بعض الكريب والبعض الاخر دهنتهم بالكنفتير ديال البرتقال غادي نقدمو في قسم تجارب الاعضاء ان شاء الله وهاهم الكريب ليكم ولوليداتي و وليدات المسلمين كاملين مع كويس اتاي من لي بغا خاطركم

en référence à : http://www.beautymaroc.com/vb/showthread.php?t=253367 (afficher sur Google Sidewiki)

لي يهنيك من سراق الزيت الصراصير...

جوهرة المحيط
14 ماي 2010






هذا دواء رخيص و موجود عند الباعة المتجولين وبالمقاهي و ابواب المساجد واصحاب الطبالي واصحاب الفراشات في الارض على الطريق

في الاسواق الاسبوعية .....والمهم من هدا كله راه فعال و ضربة ببطلة.


خلطت الغبرة لي بالساشي مع دانون مسوس و دهنت كل الاماكن لي تيدوز منها و اولهم العتبة

و دوك التقيبات لي في لافابو و البيدي ديال الرجلين واقسم بالله من الليلة الاولى ماعاود خرج

شي منحوس في مرة . وقال البائع انه تيبقى المفعول 7 اشهر.

en référence à :

"من"
- لي يهنيك من سراق الزيت الصراصير... - منتديات الجمال المغربي (afficher sur Google Sidewiki)

ملوزة اللوز بالقشور بالصور

بسم الله الرحمن الرحيم
السلام عليكم ورحمة الله وبركاته

تم التثبيت و الارشفة ...2010/05/13.. " التازية "
أنا اليوم جيبتلكم واحد ملوزة غزااالة وساهلة ومافيهاش مقادير بزاف
من طولش عليكم و نخليكم مع الصورة مرفوقة بالمقادير



أولا: كنطحنو اللوز بالقشور كيفما موضح في الصورة



ثانيا: كنضيفوا السكر ن اللوز و نخلطوح مع بعضم كيما موضح في الصورة




ثم كنعاودو نطحنو اللوز مع السكر , ثم كنضيفوا بقية المقادير زبدة = خميرة الحلوة = أحمر البيض أنا استعملت 6 أحمر البيض ولكن على حسب اللوز والقياس د الطاسة اللي استعملتي..بقا كتعمل بيضة وخلط مزيان وزيد أخرى حى تجمع اللوز كيما في الصورة

كنفرشو صينية بالورق الخاص بالفرن ( أنا مكانش عندي و استعملت ورق ألمنيوم ودهنتو بالزيت شوية باش ماتلصقش الحلوة )
كورت الحلوة على هاد الشكل و كل حلوة عملت منفوق منا لوزة كيما ف الصورة
[img][/img]

ودخلتها للفرن حتى طابت
وهدا الشكل النهائي ديالها كتجي لذيذة
و بالصحة و الراحة
[img][/img]
[img][/img]

en référence à : http://www.beautymaroc.com/vb/showthread.php?p=5548980 (afficher sur Google Sidewiki)