صينية الكفته بالطحينه

التثبيت والارشفة *جوهرة العفاف*
13/04/2010




السلام عليكم ورحمة الله و بركاته

أهلا أخواتي



هادي طبله دالغداء فيها كرتان الكرعه الخضرا و السلطه المقليه
بصلصة الطحينه و الياغورت
طريقتهم نزلتها فقسم المقبلات على هاد الرابط

كرتان الكرعه الخضراء+السلطه المقليه بصلصة الطحينه

و صينية الكفته بالطحينه :

نحتاجو للكفته
نحضروها بالطريقه اللي سبق و نزلت فهاد الموضوع

الكفته بطريقة منال العالم (بنينه و تنفع مع الكثره)

و مقادير سلطة الطحينه



بصلة مشلظه رقيقه / 2 معاق كبار خل / 2 ضروس ثوم مدقوقين / حبة طماطم مقطعه مكعبات/ 5 معالق كبار طحينه
ملح /2 معالق كبار زيت زيتون /شويه دالبزار
بالنسبة للطحينه سبق و اشرت انني طبقت ديال الأخت شجرة الدر
اللي فهاد الرابط
طريقة تحضير الطحينه المنزلية...
غير انا بدل نصف كاس دقيق درت كاس كامل و درت كاس الا ربع زيت بدل نصف
و ضربتها فالخلاط الكهربائي



الطحينه + الخل و نحركو مزيان و نزبدو كاس صغير ماء باش نخففوها



منين تخفاف و يولي لونها أبيض كيما الصوره
نزيدو باقي المقادير : البصله / الطماطم / الزيت / الثومه /الملح الابزار



ندهنو مول بالزيت أو الزبده و نرش شويه د لاشابلير
و نشكل كويرات متوسطه و نرتبها



نصب الصلصه ديال الطحينه على الوجه
و ندخلها للفرن
حتى تنشف من الماء و يتحمر الوجه (شعلت عليها غير التحت )



هنا عاد خرجتها ولكن من بعد 5 دقايق نشفات تماما








هادي طريقه مغايره باش نبدلو فطياب الكفته
و على فكره هاد المول ما شاء الله فيه غير نصف كيلو ديال الكفته
باش تعرفو طريقة منال العالم ما شاء الله شحال كتجي كثيره

أتمنى تعجبكم هاد الوصفه

في أمان الله

en référence à : http://www.beautymaroc.com/vb/showthread.php?t=250681 (afficher sur Google Sidewiki)