§ تحضيراتك لالة العروسة §

السلام عليكم*
هنية عليك ا لالة و الف الف مبروك؛ والله يتمم عليك بالخير.
من موضوعي بغيتك الالة شهرزاد لعروسة؛ تحكي لينا من طقطق حتى السلام عليكم، على تحضيراتك سواء ليوم الخطبة؛ الصداق؛ العرس
بغيت تكون استفادة للجميع وكلشي يشارك باش يكتمل الموضوع ويكون شااامل لكن ما يهم العروس المغربية المطلوب هو كل عروس تقول لينا كيفاش كانت التحضيرات ديال العرس من الالف الى الياء بما في ذلك التنطيم للحفل او الخطوبة القاعة والملابس والاكسسوارات الخ
الاثمنة والنكافات علاش لا
الحلوة
صاوبتيها او شريتيها واجدة الخ
المؤكولات والمشروبات ...
مشترياتك الشخصية

وحتى، تحضيراتك من ناحية التجميل، لدلك بغينا منك الالة تقول لينا اش من كوپ قطعتي لشعرك، واش استعملتي ماسكات للوجه و الجسم طبيعية ولا ماكانش عندك الوقت و شريتيها جاهزة اولا مشيتي عند استسيان قادات ليك ؛ درتي شي ماساج؟ درتي لا صال في الايام الاخيرة باش تضعافي؟ ولا العكس كليتي مزيآان باش تغلاضي؟ درتي لاسير للجسم ديالك .... و اشياء من هاد القبيل؛ المهم ما تنساي حتى حاجة،
و الهدف كيف ديما هو لبنيوتات يستافدو من بعضياتهم، و لا كانت شي وحدة ناسية شي حاجة تتفكرها، او لا كانت ممزياناش تتفاداها.*
كنتسناو ردودكم عريساتنا لغزالات؛ فيدوونا ب تجاربكم الله يسعد ايامكم يا رب و يسهل على البنات لي باقين على باب الله.

بالرجوع إلى:

"لالة"
- § تحضيراتك لالة العروسة § - منتديات الجمال المغربي (نظرة على ويكي Google الجانبي)