ثبت في 2008-12-25
الزين الواضح
بسم الله الرحمن الرحيم
السلام عليكم ورحمة الله وبركاتة
هده طريقتي في داناب نتمنى انكم تجربوه غادي يعجبكم بزاف و غادي يعجب وليداتكم جد جد رائع
المقادير
1لتر حليب سليم او سنطرال انا كنديرو بسليم حيت معقم و كايصبر ما ككيخسرش دغيا و الى كنتي غادي تستهلكيه دغيا ديري غي سنطرال حتى هو كيجي غزال
2كسان دانون يومي فاني
2ساشي ديال لفاني
3 كسان صغار ديال نيدو او 3ساشيات صغار لان 3 كسان صغار نيدو كيعادلو 3 ساشيات صغار
4 كسان صغار سنيدة
1لتر ماء بارد
1 لتر ماء سخون
الطريقة
في الكوكوت ديري 1 لتر ماء بارد
في مولينكس نضع لتر الحليب مع دانون مع حليب غبرة نيدو مع لفاني و نطحن كلشي تم نضيفوه على الما ء البارد اللي في الكوكوت و نحركوا
في كاسرونة نوضعوا لتر ماء بارد و نضيفوا ليك السكر تم فوق العافية حتى يدوب السكر و الماء كيسخن تم نصبوه فوق الخليط الي في الكوكوت و نسد عليه و نخليوا الصفارة ديال الكوكوتتم نغطيوها مزيان ب2 مانطات انا كنديروا بالليل في الصباح كيكون واجد او تقدري ديريه في الصباح في العشية يكون واجد نخليك مع الصور و اي استفسا انا موجودة
وهدا داناب منين كيوجد كنضيف ليه الفريز مطحون للاشارة هده نقلتها من واحد الكتاب صراحة كيجي من داكشي الرفيع او لا كتزينيه بالفواكه الي بغيتي لك الختيار كيجي روعة و المداق ما تسخاوش تحيدوه من فمكم نخليكم مع الصور
"داناب بطريقتي غزال و ما عمروا ما يخطاك هههههه"
- داناب بطريقتي غزال و ما عمروا ما يخطاك هههههه - منتديات الجمال المغربي (نظرة على ويكي Google الجانبي)
ليست هناك تعليقات:
إرسال تعليق