طبعا أنا بحالي بحال معظم الفتياة كنعاني من شعري بزااااااف بزاااااف
شعري جاف للغاية نااااشف أو هاديك النشوفية كتخليه يبان حرش
ماعلينا
أنا البارح جربة خلطة واللللللله والللله انبهرت من نتيجتها ولي خلاني نتعجب أكثر هو أنني شفت التغير من التجربة الأولى خلاتلي شعري رطب بزاف أو كيلمع حسن من الترطيبة
وأنا طبعا جربت بزااااف الماسكات ولكن ما عطاونيش بحال هاذ النتيجة ديال هاذ الخلطة
الخلطة مكونة من :
- 3 ملاعق كبار زبدة بلدية
-ملعقة كبير حليب مركز
-ملعقة صغيييرة زيت الزيتون
الطريقة :
خديت 3 معالق ديال الزبدة مع زيت زيتون أو دوبتهم في كاسرونة فوق عافية مهيلة
ملي حيدتهم من العافية زدت عليهم الحليب المركز أو خلطتهم مزيان
وطبعا الحليب المركز ما خلاش الزبدة تجمد دغيا
ولكن ملاحظة :
الخلطة دهنتها في شعري أو هي دافية
أو الطريقة متاع دهنها فحال كريم فرد الشعر
ماخاصهاش تقرب للجلدة حيتاش ممكن تخنقها وينوض ليك لحبوب في شعرك
أو لا زم تمشطي شعرك قبل ماتغلفيه ببلاستيكة باش شعرك كل يستافد....أو الباتشا في الأخير لي بغات تعملها
أنا استغربت من النتيجة أو كنتمنا تجربوها
"بالتجربة والله ..خلطة نتائجها حسن من الترطيبة..."
- بالتجربة والله ..خلطة نتائجها حسن من الترطيبة... - منتديات الجمال المغربي (afficher sur Google Sidewiki)
ليست هناك تعليقات:
إرسال تعليق