السلام عليكم ورحمة الله وبركاتة
رائحة الياسمين
تمت الارشفة
25/05/2010
غبرت شوية على المنتدى كانو عندي والدي هاد اخر الاسبوع واخا كنفتح ولكن مكانشاركش مكانسليش مع الشقا والله حتى توحشتكم
درت في الكوكوت زويتة ديال العود والزيتون مقطع وفلفلة خضراء مقطعة صغيرة الكل يتشحر على نار مهيلة بعدما تدبل الفلفلة
نضيف ملح بزار كمون تحميرة خرقوم ربيع والروز مصلوق ونحرك الكل مزيان ونترك الكل على النار غير ينسجم الروز في العطرية وهاهو واجد
وهدي الخضرة عبارة عن جلبانة وشفلور وبطاطا وخيزو مقطعين حسب الرغبة ونتبلهم بملح بزار كمون ربيع وشوية زيت العود ونعمل الكل في الكسكاس ديال الكوكوت كي تفور الخضرة
وهادا الفول درتو في الكوكوت ومعاه ملح بزار راس توم مفروم وزيت العود وطريف حامض عادي وشوية خل وربيع وشوية شوية ماء اكررها حيت خصو يكون ناشف ونغلق 5 الى 7 دقائق فقط وعندما نفتح عليه الكوكوت نعاود ندير شوية خل انا خويتو من الكوكوت ملي طاب حيت كنحتاجها عوتاني وهاهو واجد
وهنا عملت في كاسرونة 2 مطيشة محكوكين وبصلة محكوكة وملح وبزار وكمون تحميرة خرقوم والحار لي بغاه انا مدرتوش على قبل وليداتي وشوية زيت العود ومعلقة كبيرة مطيشة ديال الحك ودرت الكل يطيب حتى وجد
واخيرا باش نحطهم سخان هاهي الهبرة ديال بيبي جابتها ماما الله يخليها ليا ويخلي ليك امهاتكم
قطعتها على شكل قطبان ودرت ليهم ملح بزار تحميرة زعتر مطحون ازير مطحون قزبر ديال العطرية مطحون وشوية الربيع والحار دائما لي بغاه وشوية الزيت العود وعصير نصف حامضة ونخليه مرقد شي ساعة تم ندهن لاطا ديال الفرن بالزيت ونضع فيها قطع البيبي والى الفرن باش يطيبو وهاهو وجد
وهنا الطبلة شاملة كلشي الروز في زليفات كدلك لصوص والفول والطبسيل ديال الخضرة والطبسيل ديال البيبي وخبيزات ديال البانيني سبقت ونزلتهم في قسم تجارب الاعضاء
وبالصحة والراحة
العصير ديال البرتقال والحامض سبقت نزلتو نسيت مصورتوش هو والديسير
اللهم ادمها علينا نعمة امين يا ارحم الراحمين
"وجدت"
- اش وجدت لامي وابي الغالين للعشاء - منتديات الجمال المغربي (afficher sur Google Sidewiki)
السلام عليكم ورحمة الله وبركاتة
هاد لعرضة جات على غفلة حيت جارنا بنتو دخلت سبيتار او مماها مشت معها او رجل او لولد بقاو فدار او عيتلهم راجلي ونى مفخبريش حتى دخل كنت موجدة لنا غير المقرنية لعشا او جلهل او بقيت كنتجرى قطرة داك نهار نصارى كان عندهم عيد سدين او قضيت غير باللي موجود فدار قبلو عليا
هادي سلطة
هدو طراف دجاج فالمرقة مع لخضر
هدى لخبز ليعجنت لبارح الحمدلله كنت متلجه
أهدى ديسير
للأسف مع زربة نسيت مسورتلكم لقهوة مع شنيك ديال أم خليل وآدم كنت متلجه او دارت دغية فالفرن او وجد الحمدلله
كما جولة لكم فعلاً ماكونتش ضربة لحساب او غير ليكان فدار بش قضيت
قبلو عليا او صافي
"لعرضة"
- لعرضة ديال الغفلة - منتديات الجمال المغربي (afficher sur Google Sidewiki)
