شقة مفروشة بحي العمرية بالدار البيضاء

أخواتي كاينة شقة مفروشة رائعة بحي العمرية بالدارالبيضاء. مولاتها امرأة الله يعمرها دارو كتكريها للعائلات فقط و اقترحت عليها نزلها ليها فالانترنت. أنا حجزتها لشهر 6 و لكن ما متأكداش حيث راجلي باقي ما أكد ليا واش غادي يقدر ياخد الكونجي فشهر 6 أو لا. و اتفقت مع السيدة صاحبة الشقة باش ما كان نرد عليها لخبار نهاية الأسبوع المقبل إن شاء الله. هذا للمعلومية فقط لا تكون شي أخت بغاتها لشهر 6. المهم الشقة رائعة بمعنى الكلمة الله يبارك لمولالتها فيها. فيها 110 متر مربع كبيرة و مرحة و مفججة. فيها بيت نعاس كبير فيه حمام خاص بيه بالدوش، و فيها صالون كبير، و صالون صغير، و مراح كبير مفرش و سيجور أو بيت الجلوس بالتلفزة و النيميريك و الهي في، و حمام فيه طواليط رومية و البينوار، و حمام آخر فيه طواليط بلدية، و كوزينة كبيرة مجهزة بكلشي حتى ماكينة الصابون، و لاكور كبير فيه فين تنشري و فيه الشوفو أوطوماتيك. الشقة كيفما ذكرت جات في حي نقي و هادئ سميتو حي العمرية مقابلة مباشرة مع مسجد العمرية و قريب ليها كلشي و قريبة لشارع القدس تقريبا 3 دقايق على الرجل و هاد الشارع موجودين فيه الطاكسيات الحمرين و البيضين و الطوبيس نمرة 4 و 22. و أسيما الإنارة على بعد 20 دقيقة تقريبا منها. للتواصل إيميلي في ملفي الشخصي و أنا اللي عليا نواصلكم بصاحبة الشقة فقط و ربي شاهد عليا و اللي مهتمة نعطيها نمرة صاحبة الشقة تتواصل مباشرة معاها. نخليكم مع الصور. و الله يوفق الجميع.

en référence à : http://www.beautymaroc.com/vb/showthread.php?t=253633 (afficher sur Google Sidewiki)