دجاجة معمرة وديناها للغابة مع والديا - منتديات الجمال المغربي
السلام عليكم ورحمة الله وبركاتة
ناخدو دجاجة تكون منقية ومغسولة ومسقطرة هادي ماما كتدهنها بخليط مكون من 2معالق كبار موطارد وكنورة ديال الدجاج ومعلقة صغيرة تحميرة ونصف معلقة صغيرة بزار ومعلقة صغيرة كامون ونتركها ساعة مرقدة
ندوزو ناخدو بكية صغيرة ديال الشعرية الصينية نسكب عليها ماء طايب راكم عارفين من بعد ما تطلق نصفيهاونحضر لها شرمولة مكونة من نصف كنورة والربيع وراس توم مفروم ونصف معلقة بزار وتحميرة وكامون وملح ومعلقة كبيرة زيت
نخلط هاد الشرمولة مع الشعرية ونحشو به الدجاجة مزيان من الداخل مصورتش هاد المرحلة كنت مشغولة المهم هاهي محشية وهاهي امي كتخيطها باش متخرجش الحشوة
تم نضعها في الكوكوت بدون ماء حيت غادا تطلق الماء ونغلق عليها من 30 الى 45 دقيقة على نار منقوص عليها على الاخر
من بعد ما تطيب ونفتح عليها ندهنها بخليط الزبدة والتحميرة والكامون وندخلها للفرن تتحمر اما المرق ديالها نرجعه للنار يختار شوية يقدم كلصوص
وهادي بطاطا تقطع مكعبات وتصلق في الماء فقط بعدين نصفيها
غتبان ليكم بقا واحد القشرة راني غنرجع نحيدها عاد نصلقها مضحكوش عليا
ونضيف لها معلقة كبيرة مطيشة ديال الحك وملح وبزار وزيت العود والربيع وسكين جبير ونخلط الكل تم ندخلها للفرن تتحمر وتتقرمش شوية
الباقي مصورتوش دركني الوقت باش نمشيو للغابة رافقت الطبقين ببطاطا مصلوقة ومصفية ومطحونة مع الحليب والفرماج وسنيدة ومعلقة كبيرة زيت العود
وكدلك فورت الخضر متل خيزو لفت شفلور جلبانة حيت الوالدين منين تيكبرو ويمرضو كيخصهم غير المصلوق او المفور
واخيرا شلاظة مكونة من خص مطيشة خيار بصلة درة طون الكل متبل بدانون مسوس والخل والملح والبزار وزيت العود
وبالطبع الديسير والعصير ديال البرتقال والفريز
بالصحة والراحة الله يعطينا صحيحتنا باش نكونو مع الوالدين وحتى مع الناس الجواد والطيبين متلكم اخواتي القاكم بالخير والتوفيق
ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½
ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½
-
ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½
ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½
ï؟½ï؟½ï؟½ï؟½ ï؟½ï؟½ï...
قبل 4 أعوام
ليست هناك تعليقات:
إرسال تعليق