الشنيك مورق - منتديات الجمال المغربي

الشنيك مورق - منتديات الجمال المغربي
تم التثبيت و الارشفة بواسة " التازية "

2010/04/15




السلام عليكم ورحمة الله وبركاتة





هاد الشنيك صوبتو البارح بالعجينة المورقة سريعة مشي بحال الي كنت درت بيها كرواصة هاديك تتطلب وقت بين كل توريقة واخرى
التقنية واحدة وهي الطريقة المعتمدة عند المتخصصين في العجينة المورقة لان راجلي قراها في شي دروس هنا ديال العجينة
كنتمنى تستافدو منها لان مكينش فرق بينها وبين انك ديري العجينة بحال المسمنة من ناحية الوقت الي تتطب في كل مرة الفرق في الجودة طبعا وهادشي علاش تنقلبو اكيد




المقادير

انا درت النص ديال هاد المقادير
كيلو دقيق
معلقة كبيرة ملح
150g سنيدة
ملعقتان كبيرتان خميرة الخبز
450g زبدة
كاس ماء
نص كاس حليب ممكن اكتر لان بيه اتجمعي العجينة

الحشوة
كريم باتيسيير وجديها في الدار
200g زبيب


للتزيين
كونفيتير


الطريقة

حلطي 150g ديال الزبدة مع باقي المكونات






جمعي العجينة ودلكيها مزياااااااااااااان تا تولي طرطق



سمحو ليا على هاد الصورة


سرحي الزبدة على التلتين ديال العجينة من بعد ما طلقتيها بالمدلك على شكل مستطيل


وديري ليها طوية على 3
بحيت تجيبي التلت الي مفيهش الزبدة على التلت العامر وديري التلت الاخر من الفوق كيف هو مبين في الصورة

وتفكري ديمة ان القاعدة هي
3 '4'4

وممكن تزيدب الى بغيتي تجيك مورقة اكتر بانك تعاودي تاني من 3





دابا هادي مطوية الطوية ديال 3

دخليها للتلاجة 20mn


ملي تخرجيها سرحيها بالمدلك وديري الطوية ديال 4
هاهي









رجعيها للتلاجة 20mn

وديري تاني من تخرجيها طوية ديال 4


ولك الاختيار في انك تزيدي او تكتافي

المخم المرة الاخيرة من تخرجيها سرحيها بالمدلك

ودهنيها بالكريم باتيسيير
والزبيب


ولويها على شكل قضيب



ودخليها للتلاجة المجمد مدة 45mn

ملي تخرجيها قطعيها وديريها في الاطة وخليها تا يتضاعف الحجم ديالها وطيبيها 180درجة تقريبا 20mn



وبصحتك