التتبيث والارشفة تم يوم 29/5/2010
كروانة
عليكم ورحمة الله وبركاتة
هاد الروز مع الدجاج كيجي غزاااال من نهار جربتو مابقاش كيخطاني ضروري مرة فالاسبوع نعملو فيه مزيج بين الحلاوة والملحة
احتاجيت ليه بصلة مقطعة جوانح _ ملح_ كمون _قرفة _ خرقوم _ زعفران حر _ بهارات مشكلة _ اربع حبات هيل _ اربع حبات قرنفل _ كنور دجاج _ نص كاس زيت _ 2ضامات زعفران حر وحدة عملتها فالمرقة ووحدة فاش عملت الروز يطيب
شرملت بيهم الدجاج ودرتو يتقلى من بعد مرقت وخليتو حتى طاب مزيان
حيدتو من المرقة وقليتو فالزيت وممكن حتى يتحمر فالفران
صفيت المرقة اللي طيبت بيها حيدت البصلة والبهارات خليت غا مريقة جارية ضفت ليها ضامة زعفران
غسلت الروز بعد ما نقيتو ونقعتو فالما ربع ساعة من بعد صفيتو وعملتو يطيب ربع ساعة حتى شرب هداك الما بالنسبة للطياب ديال الروز ديما كنعمل كاس دالروز فكاس ونص دالما باش كيبقى شاد راسو وماكيتعجنش
خديت الزبيب نقيتو وقليتو فالزيت غار يتنفخ وحيدتو
كذلك اللوز صلقتو نقيتو وقليتو فالزيت ممكن استعمال الصنوبر بلاصة اللوز
فاش طاب الروز عملتو فصحن التقديم وعملت عليه الدجاج المقلي او المحمر وزينتو باللوز مقلي والزبيب مقلي
هذا شكله النهائي كيجي لذيييذ بمعنى الكلمة نتمنى تجربوه ويعجبكم
لاتنسوني من دعواتكم عزيزاتي
"بالزعفران"
- http://www.beautymaroc.com/vb/showthread.php?t=258632 (نظرة على ويكي Google الجانبي)
ليست هناك تعليقات:
إرسال تعليق