مساء الخير ..
كتاخدو 3ليتر حليب
كاس دانون
3 كيسان سنيدة تعبروهم بكاس دانون
الطريقة تفيضو 1ليتر ونصف حليب
1ليتر ونصف الحليب الاخر تطحنوه في مولنكس مع كاس دانون وسنيدة تم تخويو عليه الحليب الفايض وتحركو وتعمرو الكيسان من بعد تكونو دايرين شي كاميلة فيها الما وديروها على النا حتى يغلى الماء من بعد تزولوها من النار وتحطو فيها الكيسان وتغطيوها بالغلاقة ديالها تم تلويو الكاميلة كلها في مانطة وتخليوها الى الغد ودخلو الكيسان للتلاجة هاهو واجد
هاهوتكيتو مسكين شفتوه مكيطيحش حيت جامد
ملاحظة انا را كندير 2 كوامل والكيسان كبار اما الى بغيتو تديرو نصف المقادير لكم الاختيارفي هده الحالة كندير الكيسان صغار وكامية واحدة
ملاحظة اخرى توضعو الكاميلة على النار في نفس الوقت لي غديرو فيه الحليب يفيض على حقاش خصكم تديرو فيها الكيسان وباقي فيهم الحليب دافيء لانه طبعا كيكون دافيء حيت مخلطين الحليب فايض مع الحليب مافايضش نتمنى نكون شرحت مزيان وخاصة للمبتدئات بحالي بالصحة والراحة و اي استفسار انا هنا على الراس والعين
"الرايب غزال بحال ديال الزنقة"
- الرايب غزال بحال ديال الزنقة - منتديات الجمال المغربي (نظرة على ويكي Google الجانبي)
ليست هناك تعليقات:
إرسال تعليق