السلام عليكم ورحمة الله وبركاتة
رائحة الياسمين
تمت الارشفة 15/05/2010
هاد الخبيزات كيجيو هشاشين ورطبين كيصلاحو للسندويتشات او مع الفرماج والكونفتير اولا تاكليهم حرفيين وكيكونو زوينين
مقاديرهم تقريبا نفس مقادير العجينة السحرية ديال الاخت ناني 73 الله يعطيك الصحة ويسر امرها
500 g طحين
نص كاس زبدة دايبة
دانون مسوس
معلقة ملح
خمارة الحلوى
2معالق خميرة حبوب
نص كاس ما دافي
3 معالق سكر
خديت نص كاس ما دافي وعملت عليه جوج معالق خميرة حبوب و3معالق سكر وخلطتهم مزيان وخليتهم 10 دقائق حتى طلعت الرغوة فوق الكاس بحال هاد الشكل
وضفتهم على باقي العناصر
وعجنتهم مزيان ودلكتهم واحد شوية و غطيتهم وخليتهم ساعة
حتى تضاعفت كمية العجينة
من بعد قرصت كرات صغيرة
وسرحتها بالطحين على طاولة
ولفيتها حول نفسها وجمعت الجوانب ديالها بصباعي وخليتهم يخمرو نص صاعة
من بعد دهنتهم باصفر البيض مع الحليب ورشيتهم بالزنجلان ودخلتهم للفران حتى تحمرو
هذا شكلهم بعد ماطابو
انا عملت كمية كبيرة من العجينة ومنهم اللي قرصتهم دايرين وفلحتهم بموس فالوجه و بنفس العجينة جربت فطيرة التمر وفطيرة التاج ديال العزيزة والغالية ناني 73 الله يعطيها الصحة وتبارك الله عليها جاو غزااالين ومداقهم ولا اروع
لاتنسوني من دعواتكم عزيزاتي
"خبز السندويتشات هشيييش مع معجنات ثانية للعزيزة ناني 73"
- خبز السندويتشات هشيييش مع معجنات ثانية للعزيزة ناني 73 - منتديات الجمال المغربي (نظرة على ويكي Google الجانبي)
ليست هناك تعليقات:
إرسال تعليق